main khayal hun kisi aur ka mujhe sochta koi aur hai
sar-e-aina mera aks hai pas-e-aina koi aur hai

i am someone else's thought, someone else brings me to mind
my image in the mirror wrought, someone else is there behind [...]

tum husn ki khud ek duniya ho shayad ye tumhein malum nahin
mahfil mein tumhaare aane se har chiz pe nur aa jata hai

mata-e-kausar-o-zamzam ke paimane teri aankhen
farishton ko bana deti hain diwane teri aankhen

jahan-e-rang-o-bu uljha hua hai un ke doron mein
lagi hain kakul-e-taqdir suljhane teri aankhen [...]

chand mashriq se nikalta nahin dekha main ne
tujh ko dekha hai to tujh sa nahin dekha main ne

phul bikhraati har ek mauj-e-hawa aati hai
aap aate hain ki gulshan mein saba aati hai

aap ke rukh se barasta hai sahar ka joban
aap ki zulf ke sae mein ghata aati hai [...]

chandni raaton mein chillata phira
chand si jis ne wo surat dekh li