bundon ki tarah chhat se tapakte hue aa jao
barsat ka mausam hai baraste hue aa jao

khushbu ho to jhonke ki tarah phul se niklo
dil ho to meri jaan dhadakte hue aa jao [...]

wo kitab-e-husn wo ilm o adab ki taliba
wo mohazzab wo muaddab wo muqaddas rahiba

kis qadar pairaya parwar aur kitni sada-kar
kis qadar sanjida o khamosh kitni ba-waqar [...]

tumhaari yaad mere dil ka dagh hai lekin
safar ke waqt to be-tarah yaad aati ho

baras baras ki ho aadat ka jab hisab to phir
bahut satati ho jaanam bahut satati ho [...]

har dhadkan haijaani thi har khamoshi tufani thi
phir bhi mohabbat sirf musalsal milne ki aasani thi

jis din us se baat hui thi us din bhi be-kaif tha main
jis din us ka khat aaya hai us din bhi virani thi [...]

hum se koi talluq-e-khatir to hai use
wo yar ba-wafa na sahi bewafa to hai

wo chandni mein phirte hain ghar ghar ye shor hai
nikla hai aaftab shab-e-mahtab mein