har dhaDkan haijaani thi har KHamoshi tufani thi

har dhadkan haijaani thi har khamoshi tufani thi
phir bhi mohabbat sirf musalsal milne ki aasani thi

jis din us se baat hui thi us din bhi be-kaif tha main
jis din us ka khat aaya hai us din bhi virani thi

jab us ne mujh se ye kaha tha ishq rifaqat hi to nahin
tab main ne har shakhs ki surat mushkil se pahchani thi

jis din wo milne aai hai us din ki rudad ye hai
us ka blouse naranji tha us ki sari dhani thi

uljhan si hone lagti thi mujh ko akasr aur wo yun
mera mizaj-e-ishq tha shahri us ki wafa dahqani thi

ab to us ke bare mein tum jo chaho wo kah dalo
wo angdai mere kamre tak to badi ruhani thi

nam pe hum qurban the us ke lekin phir ye taur hua
us ko dekh ke ruk jaana bhi sab se badi qurbani thi

mujh se bichhad kar bhi wo ladki kitni khush khush rahti hai
us ladki ne mujh se bichhad kar mar jaane ki thani thi

ishq ki haalat kuchh bhi nahin thi baat badhane ka fan tha
lamhe la-fani thahre the qatron ki tughyani thi

jis ko khud main ne bhi apni ruh ka irfan samjha tha
wo to shayad mere pyase honton ki shaitani thi

tha darbar-e-kalan bhi us ka naubat-khana us ka tha
thi mere dil ki jo rani amrohe ki rani thi


This is a great ruhani love shayari. True lovers of pyar qurbani shayari will love this. For some people shayari is the most enjoyable thing in life and they absolutely adore khud ki pehchan shayari. Please share if you liked this!!!