shab-e-gham meri shab-e-gham sar-e-sham laut aana
na kahin tera thikana na kahin mera thikana

tujhe kya hai is se hasil ki qamar hai teri manzil
tere sar pe hai abhi tak wahi aasman purana

tujhe husn-o-ishq donon hi ata hue ye kah kar
ye chaman hai muskurana ye nadi hai dub jaana

koi aaj tak na samjha ki shabab hai to kya hai
yahi umr jagne ki yahi nind ka zamana

jo zara si aankh kholi to hazar hashr dekhe
ye khudi jo so rahi hai ise ab na phir jagana