ki hai sargoshi sar-e-sham mere dil ne phir
is liye hum ne lapeta nahin bistar apna

rah-e-dil ko raund kar aage nikal jaenge log
aankh mein uthta ghubar-e-qafila rah jaega

kis se ummid karen koi elaj-e-dil ki
chaaragar bhi to bahut dard ka mara nikla

kuchh to duniya ki inayat ne dil tod diya
aur kuchh talkhi-e-haalat ne dil tod diya

this world's benefaction broke my heart to some extent
and then by bitter circumstance partly my heart was rent [...]

dil ka sara dard simat aaya hai meri palkon mein
kitne taj-mahal dubenge pani ki in bundon mein

dhyan mein us ke fana ho kar koi munh dekh le
dil wo aaina nahin jo har koi munh dekh le