qaem hai ab bhi meri wafaon ka silsila
ek silsila hai un ki jafaon ka silsila

kabhi tum mol lene hum kun hans hans bhaw karte ho
kabhi tir-e-nigah-e-tund ka barsaw karte ho

kabhi tum sard karte ho dilon ki aag garmi sin
kabhi tum sard-mehri sin jhatak kar baw karte ho [...]

zulm phir zulm hai badhta hai to mit jata hai
khun phir khun hai tapkega to jam jaega

tum na tauba karo jafaon se
hum wafaon se tauba karte hain

dhanak dhanak meri poron ke khwab kar dega
wo lams mere badan ko gulab kar dega

qaba-e-jism ke har tar se guzarta hua
kiran ka pyar mujhe aaftab kar dega [...]

kuchh ishq tha kuchh majburi thi so main ne jiwan war diya
main kaisa zinda aadmi tha ek shakhs ne mujh ko mar diya

ek sabz shakh gulab ki tha ek duniya apne khwab ki tha
wo ek bahaar jo aai nahin us ke liye sab kuchh haar diya [...]