pareshan raat sari hai sitaro tum to so jao
sukut-e-marg tari hai sitaro tum to so jao

hanso aur hanste hanste dubte jao khalaon mein
hamin pe raat bhaari hai sitaro tum to so jao [...]

khule paniyon mein ghiri ladkiyan
narm lahron ke chhinte udati hui

baat-be-baat hansti hui
apne khwabon ke shahzadon ka tazkira kar rahi thin [...]

khwab shab ki munderon pe baithe hue
ghurte hain mujhe

meri aaankhon mein basne ko bechain hain
main isi khauf se raat bhar [...]

dhal chuki raat mulaqat kahan so jao
so gaya sara jahan sara jahan so jao

so gae wahm-o-guman wahm-o-guman so jao
so gaya dard-e-nihan dard-e-nihan so jao [...]

ek bujhao ek jalao khwab ka kya hai
aankhon mein rakh kar so jao khwab ka kya hai

panw-tale hai raund ke guzro kuchal ke dekho
pichhe jao aage aao khwab ka kya hai [...]

sang-e-marmar ki khunuk banhon mein
husn-e-khwabida ke aage meri aankhen shal hain
gung sadiyon ke tanazur mein koi bolta hai
waqt jazbe ke taraazu pe zar-o-sim-o-jawahir ki tadap taulta hai!
har nae chand pe patthar wahi sach kahte hain
usi lamhe se damak uthte mein un ke chehre
jis ki lau umr gae ek dil-e-shab-zad ko mahtab bana aai thi!
usi mahtab ki ek narm kiran
sancha-e-sang mein dhal pai to
ishq rang-e-abadiyyat se sar-afraaz hua
kya ajab nind hai
jis ko chhu kar
jo bhi aata hai khuli aankh liye aata hai
so chuke khwab-e-abad dekhne wale kab ke
aur zamana hai ki us khwab ki tabir liye jag raha hai ab tak!