mai-kada hai yahan sakun se baith
koi aafat idhar nahin aati

ye kah do hazrat-e-naseh se gar samjhane aae hain
ki hum dair o haram hote hue mai-khane aae hain

tell this to the priest if he has come to preach
i first went to the mosque, then did the tavern reach [...]

'zauq' jo madrase ke bigde hue hain mulla
un ko mai-khane mein le aao sanwar jaenge

dukht-e-raz aur tu kahan milti
khinch lae sharab-khane se

shaikh us ki chashm ke goshe se goshe ho kahin
us taraf mat jao nadan rah mai-khane ki hai

main talkhi-e-hayat se ghabra ke pi gaya
gham ki siyah raat se ghabra ke pi gaya

itni daqiq shai koi kaise samajh sake
yazdan ke waqiat se ghabra ke pi gaya [...]