ye ruke ruke se aansu ye dabi dabi si aahen
yunhi kab talak khudaya gham-e-zindagi nibahen

kahin zulmaton mein ghir kar hai talash-e-dasht-e-rahbar
kahin jagmaga uthi hain mere naqsh-e-pa se rahen [...]

pur-kaif bahaaron ne bhi dil tod diya hai
han un ke nazaron ne bhi dil tod diya hai

tufan ka shewa to hai kashti ko dubona
khamosh kinaron ne bhi dil tod diya hai [...]

ki tark-e-mohabbat to liya dard-e-jigar mol
parhez se dil aur bhi bimar pada hai

dard ka zaiqa bataun kya
ye ilaqa zaban se bahar hai

wo siwa yaad aae bhulane ke baad
zindagi badh gai zahr khane ke baad

dil sulagta raha aashiyane ke baad
aag thandi hui ek zamane ke baad [...]

tark-e-talluqat pe roya na tu na main
lekin ye kya ki chain se soya na tu na main

haalat ke tilism ne pathra diya magar
bite samon ki yaad mein khoya na tu na main [...]