ai but hain husn mein teri mashhur pindliyan
aisi kahan se lae pari hur pindliyan

mumkin nahin ki yun to kisi ki nazar pade
khul jaen nind mein to hain mazur pindliyan [...]

nahin ki pand-o-nasihat ka qaht pad gaya hai
hamari baat mein barakat ka qaht pad gaya hai

to phir ye radd-e-munajat ki nahusat kyun
kabhi suna ki ibaadat ka qaht pad gaya hai? [...]

phirte hain kab se dar-ba-dar ab is nagar ab us nagar ek dusre ke ham-safar main aur meri aawargi
na-ashna har rah-guzar na-mehrban har ek nazar jaen to ab jaen kidhar main aur meri aawargi

hum bhi kabhi aabaad the aise kahan barbaad the be-fikr the aazad the masrur the dil-shad the
wo chaal aisi chal gaya hum bujh gae dil jal gaya nikle jala ke apna ghar main aur meri aawargi [...]

apni khabar, na us ka pata hai, ye ishq hai
jo tha, nahin hai, aur na tha, hai,, ye ishq hai

pahle jo tha, wo sirf tumhaari talash thi
lekin jo tum se mil ke hua hai, ye ishq hai [...]

tab se aashiq hain hum ai tifl-e-pari-wash tere
jab se maktab mein tu kahta tha alif be te se

yaad aata hai wo harfon ka uthana ab tak
jim ke pet mein ek nukta hai aur khali he [...]

rafta rafta sab kuchh achchha ho jaega
in-shaallah sab kuchh achchha ho jaega

aade-tirchhe manzar sidhe ho jaenge
ulta sidha sab kuchh achchha ho jaega [...]