hae laya na koi qasid-e-dilbar kaghaz
ho gaya gham se hamara tan-e-laghar kaghaz

nama-e-yar ke likhne ko mujhe arzan hai
tol de gar koi sone ke barabar kaghaz [...]

sar-e-baam-e-hijr diya bujha to khabar hui
sar-e-sham koi juda hua to khabar hui

mera khush-khiram bala ka tez-khiram tha
meri zindagi se chala gaya to khabar hui [...]

josh junun mein raat din sab se raha alag alag
main hun juda alag alag log juda alag alag

main ne balaen lene ko hath badhaya jab udhar
munh ko phira ke yar ne mujh se kaha alag alag [...]

tu meri ibtida tu meri intiha main samundar hun tu sahilon ki hawa
teri manzil bane mera har rasta main samundar hun tu sahilon ki hawa

roz-o-shab mauj-dar-mauj hun dar-ba-dar roz-o-shab sahilon par patakta hun sar
hath aata nahin phir bhi daman tera main samundar hun tu sahilon ki hawa [...]

main tere sang kaise chalun ham-safar tu samundar hai main sahilon ki hawa
tu kahan main kahan al-aman al-hazar tu samundar hai main sahilon ki hawa

tujh se hai sab ye husn-e-jahan mo'tabar tujh ko sajde kare kahkashan sar ba-sar
tu harim-e-qamar main hazin-e-sahar tu samundar hai main sahilon ki hawa [...]

kya ho gaya kaisi rut palti mera chain gaya meri nind gai
khulti hi nahin ab dil ki kali mera chain gaya meri nind gai

main lakh rahun yunhi khak-basar shadab rahen tere sham-o-sahar
nahin us ka mujhe shikwa bhi koi mera chain gaya meri nind gai [...]