justuju karte hi karte kho gaya
un ko jab paya to khud gum ho gaya

kya khabar yaran-e-rafta ki mile
phir na aaya us gali mein jo gaya [...]

but bhi is mein rahte the dil yar ka bhi kashana tha
ek taraf kabe ke jalwe ek taraf but-khana tha

dilbar hain ab dil ke malik ye bhi ek zamana hai
dil wale kahlate the hum wo bhi ek zamana tha [...]

ye ek shan-e-khuda hai main nahin hun
wahi jalwa-numa hai main nahin hun

zamana pahle mujh ko dhundta hai
magar tera pata hai main nahin hun [...]

bhul kar tu sare gham apne chaman mein raqs kar
jag ai darwesh-e-jaan mere badan mein raqs kar

dal kar chadar wafa ki tu mazar-e-ishq par
dar-e-mansuri pe aa is pairahan mein raqs kar [...]

wada hai ki jab roz-e-jaza aaega
tu apne hi jalwon mein ghira aaega

ta-hashr yunhi muntazir-e-did rahun
chupke se kabhi aa ke bata, aaega [...]

teri inayaton ka ajab rang dhang tha
tere huzur pa-e-qanaat mein lang tha

sahra ko raundne ki hawas pa-ba-gil hai ab
yun tha kabhi ki daman-e-afaq tang tha [...]