jo bojh hai dil par use kam karte rahenge
sha'ir hain to har nak mein dam karte rahenge

ye parti achchhi hai na wo parti achchhi
leader ko zaruri hai udham karte rahenge [...]

gham-e-musalsal ki is tapish mein ki jism jal jae aadmi ka
hansi ki halki phuwar bhi ho to kaam chal jae aadmi ka

mizah ki gar zara bhi his hai hansi ko aur qahqahe ko chhodo
chaman mein gar phul muskura de to dil bahal jae aadmi ka [...]

mahfil mein jis jagah bhi mera tazkira hua
dekha har ek shakhs ka munh tha phula hua

urdu ke waste na kiya us ne kuchh kabhi
urdu ke nam se hai ghar us ka bhara hua [...]

sab dalalon mein tawaif ka dalal achchha hai
jis tarah ka bhi kisi mein ho kamal achchha hai

dekh kar shakl tabibon ki jab aati hai hansi
wo samajhte hain ki bimar ka haal achchha hai [...]

lat uttha hath uttha juta utha my dear
apne sine se magar mujh ko laga my dear

ek cup chae bana zahr mila my dear
sabr ka ghunt na is tarah pila my dear [...]

zamane bhar se dar kar kya karun main
darun to apni biwi se darun main

kisi din phenk dena un ke upar
marun to un ke upar hi marun main [...]