dhal chuki raat mulaqat kahan so jao
so gaya sara jahan sara jahan so jao

so gae wahm-o-guman wahm-o-guman so jao
so gaya dard-e-nihan dard-e-nihan so jao

kab talak dida-e-nam dida-e-nam dida-e-nam
kab talak aah-o-fughan aah-o-fughan so jao

aah ab tut chala tut chala tut chala
aah ye rishta-e-jaan rishta-e-jaan so jao

uth chale dil ke makin dil ke makin dil ke makin
lut gaya sara makan sara makan so jao