tamir-e-kaenat ke saman liye hue
aai hun raaz-e-alam-e-imkan liye hue

jaun kidhar main kashti-e-arman liye hue
har sahil-e-murad hai tufan liye hue [...]

nakaami-e-dil 'kulsum' kabhi taqdir ko apni roi nahin
qurban main apni himmat ke sab soe magar ye soi nahin

ai subh-e-qayamat kya kahna is wada-e-did ke main qurban
wo parde se ab nikle hain jab dekhne wala koi nahin [...]

kaba banaiye na kalisa banaiye
dil ko tasawwuraat ki duniya banaiye

taswir-e-husn khinchiye majnun ke bhes mein
aaina-e-khayal ko laila banaiye [...]

husn ho mera dil-nawaz husn ki dil-nawaz main
mere uthaen naz wo us ke uthaun naz main

kaun hun aur kya hun main koi na ye samajh saka
bazm-e-jahan mein aate hi ban gai ek raaz main [...]

bint-e-hawwa hun main ye mera jurm hai
aur phir shaeri to kada jurm hai

izzat ki bahut si qismen hain
ghunghat thappad gandum

izzat ke tabut mein qaid ki mekhen thonki gai hain
ghar se le kar footpath tak hamara nahin [...]