mitti mein mila de ki juda ho nahin sakta
ab is se ziyaada main tera ho nahin sakta

dahliz pe rakh di hain kisi shakhs ne aankhen
raushan kabhi itna to diya ho nahin sakta [...]

mere junun ka natija zarur niklega
isi siyah samundar se nur niklega

gira diya hai to sahil pe intizar na kar
agar wo dub gaya hai to dur niklega [...]

ghazlon ka hunar apni aankhon ko sikhaenge
roenge bahut lekin aansu nahin aaenge
kah dena samundar se hum os ke moti hain
dariya ki tarah tujh se milne nahin aaenge
wo dhup ke chhappar hon ya chhanw ki diwaren
ab jo bhi uthaenge mil jul ke uthaenge
jab sath na de koi aawaz hamein dena
hum phul sahi lekin patthar bhi uthaenge