teri tauqir se tauqir-e-hasti hai guru-nanak
teri tanwir har zarre mein basti hai guru-nanak

teri jagir mein irfan ki masti hai guru-nanak
teri tahrir auj-e-haq-parasti hai guru-nanak [...]

zindan mein shahidon ka wo sardar aaya
shaida-e-watan paikar-e-isar aaya

hai dar-o-rasan ki sarfaraazi ka din
sardar bhagat-singh sardar aaya [...]

ai bahadur-lal ai bhaarat suput
tu tha amn-o-ashti ka pasdar

amn ki khatir gaya tha tashqand
tu ne kar di jaan bhi us par nisar [...]

kal azan-e-subh se pahle faza-e-quds mein
main ne dekha kuchh shanasa suraten hain ham-nashin

the hakim-e-sharq se shaikh-e-mujaddid ham-kalam
gosh-bar-awaz sab danish-waran-e-ilm-o-din [...]

andheri raat mein jab muskura uthte hain sayyare
tarannum phut padta hai mere saz-e-rag-e-jaan se

koi angdaiyan leta jab aa jata hai mahfil mein
tamanna karwaten leti hai paiham dukh-bhare dil mein [...]

raaz-e-qudrat ke khabar-dar guru-nanak the
waqif-e-alam-e-asrar guru-nanak the

nasha-e-husn-e-haqiqi se the madhosh-e-azal
baada-e-nab se sarshaar guru-nanak the [...]