kitni be-nur thi din bhar nazar-e-parwana
raat aai to hui hai sahar-e-parwana

shama jalte hi yahan hashr ka manzar hoga
phir koi pa na sakega khabar-e-parwana [...]

nahin rukta to ja khuda-hafiz
ai dil-e-mubtala khuda-hafiz

aai hogi to maut aaegi
tum to jao mera khuda hafiz [...]

dam koi dam ka hai mehman alwidaa
dard-o-gham mere dil-o-jaan alwidaa

aa gale mil le ki phir milna kahan
al-firaq ai tegh-e-uryan alwidaa [...]

dam-e-rukhsat jo un se kah ke main uttha khuda-hafiz
lage jhunjhla ke wo kahne bahut achchha khuda-hafiz

jo main jata hun uth kar fi-amanillah kahta hun
tere munh se na o kafir kabhi nikla khuda-hafiz [...]

chale but-khane ko khuda-hafiz
tum bhi zahid kaho khuda-hafiz

tere kuche se pech utha ke chale
gesu-e-mushkbu khuda-hafiz [...]

jao qarar-e-be-dilan sham-ba-khair shab-ba-khair
sahn hua dhuan dhuan sham-ba-khair shab-ba-khair

sham-e-visal hai qarib subh-e-kamal hai qarib
phir na rahenge sargiran sham-ba-khair shab-ba-khair [...]