arman mere dil ke nikalne nahin dete
wo dal mere ishq ki galne nahin dete

har roz kiya karte hain wo ek naya wada
ushshaq ko hathon se nikalne nahin dete [...]

uchhalta kudta hai khush dil-e-diwana hota hai
nazar ke samne jab jalwa-e-jaanana hota hai

meri khaslat se na-khush apna aur begana hota hai
jahan main baith jata hun wahin virana hota hai [...]

shab-e-wada idhar mujh ko hansi si aai jati hai
udhar un ki nazar hai khud-bakhud sharmai jati hai

abe sale raha hai raat bhar dushman ke pahlu mein
tere chehre se kuchh sharmindagi si pai jati hai [...]

na puchho tum ko aur dushman ko dil mein kya samajhta hun
use ullu tumhein ullu ka main pattha samajhta hun

darun kyon wasl ki shab dhaul-dhappa hatha-pai se
ise to main niyaz-o-naz ka ragda samajhta hun [...]

kar saki kuchh na teri zulf-e-siyah-fam mera
kufr ke saye mein badhta raha islam mera

saqiya mez pe rahne de abhi jam mera
mast aankhon ne teri kar diya ultam mera [...]

josh par yun jazba-e-be-ikhtiyar aa hi gaya
dekh kar un ko barahna mujh ko pyar aa hi gaya

ghair jab khalwat se nikla daud kar main ne kaha
dusra bhi aap ka umid-war aa hi gaya [...]