ek shadi to thik hai lekin
ek do tin chaar had kar di

mard honi chahiye khatun hona chahiye
ab grammar ka yahi qanun hona chahiye

raat ko bachche padhai ki aziyyat se bache
in ko tw ka bahut mamnun hona chahiye [...]

main shikar hun kisi aur ka mujhe marta koi aur hai
mujhe jis ne bakri bana diya wo to bhediya koi aur hai

kai sardiyan bhi guzar gain main to us ke kaam na aa saka
main lihaf hun kisi aur ka mujhe odhta koi aur hai [...]

mere ghar mein tu jo ai nur-e-nazar paida hua
khush-nasibi hai teri shair ke ghar paida hua

teri bahnen aur bhai sab ke sab hain na-bakar
ek lashkar go ki tujh se peshtar paida hua [...]

halqa-e-fikr-o-sukhan ne mujhe izzat bakhshi
yani mehman khususi ki fazilat bakhshi

masnad-e-ali pe la kar jo bithaya mujh ko
qad-e-kotah ko is taur se rifat bakhshi [...]

shadi ke chand roz to chhedi na koi baat
hail hamare beach rahe kuchh takallufat

phir ek din jo un se meri guftugu hui
do tuk baat-chit hui du-badu hui [...]