bhule se mohabbat kar baitha, nadan tha bechaara, dil hi to hai
har dil se khata ho jati hai, bigdo na khudara, dil hi to hai

is tarah nigahen mat phero, aisa na ho dhadkan ruk jae
sine mein koi patthar to nahin ehsas ka mara, dil hi to hai [...]

rudad-e-mohabbat kya kahiye kuchh yaad rahi kuchh bhul gae
do din ki masarrat kya kahiye kuchh yaad rahi kuchh bhul gae

jab jam diya tha saqi ne jab daur chala tha mahfil mein
ek hosh ki saat kya kahiye kuchh yaad rahi kuchh bhul gae [...]

nae kapde badal aur baal bana tere chahne wale aur bhi hain
koi chhod gaya ye shahr to kya tere chahne wale aur bhi hain

kai palken hain aur ped kai mahfuz hai thandak jin ki abhi
kahin dur na ja mat khak uda tere chahne wale aur bhi hain [...]

ajib intishaar hai zamin se aasman tak
ghubar hi ghubar hai zamin se aasman tak

wabaen qaht zalzale lapak rahe hain pai-ba-pai
ye kis ka eqtidar hai zamin se aasman tak [...]

ek jam khanakta jam ki saqi raat guzarne wali hai
ek hosh-ruba inam ki saqi raat guzarne wali hai

wo dekh sitaron ke moti har aan bikharte jate hain
aflak pe hai kohram ki saqi raat guzarne wali hai [...]

wo kab aaen khuda jaane sitaro tum to so jao
hue hain hum to diwane sitaro tum to so jao

kahan tak mujh se hamdardi kahan tak meri gham-khwari
hazaron gham hain anjaane sitaro tum to so jao [...]